Tərəflər danışıqlar masasına qayıtmalıdırlar

ABŞ-ın keçmiş prezidenti Donald Tramp bildirib ki, Ukraynadakı münaqişə ölkənin tamamilə məhv edilməsi, kütləvi insan tələfatı və III Dünya Müharibəsi ilə başa çata bilər. O, əmindir ki, münaqişənin bütün tərəfləri sülh müqaviləsinin bağlanmasına diqqət yetirməlidirlər.

SİA-nın əldə etdiyi məlumata görə, bu barədə RİA Novosti yazın.

Qərb Ukraynadakı döyüşlərlə əlaqədar Rusiyaya qarşı bir neçə sanksiya paketi tətbiq edib. ABŞ prezidenti Cozef Bayden Ukraynaya 40 milyard dollarlıq yardım haqqında qanunu imzalayıb. Rusiya Federasiyası Təhlükəsizlik Şurasının sədr müavini Dmitri Medvedev bildirib ki, Rusiya “Üçüncü Dünya Müharibəsini açmağa hazır olanların ambisiyalarını soyutmaq üçün” kifayət qədər güclü arsenala malikdir.

Tramp əmin olduğunu bildirib ki, bütün bu hərəkətlər və bəyanatlar Ukraynanı “məhv edir” və vəziyyətin sülh yolu ilə həllinə kömək etmir.

Siz Üçüncü Dünya Müharibəsi üçün stimul yaradıb milyonlarca insanın həyatına son qoyacaqsınız.

Bu müharibənin qalibinin olmayacağını deyən eks-prezident ona görə də Rusiya və Ukrayna danışıqlar masasına qayıtmalı olduqlarını “məsləhət görür”.

Ağasəf Babayev