Dünya

  • 993

Hərbi xidmət islahatına qarşı kütləvi etiraz

image

Hindistanda hərbi xidmət islahatına qarşı kütləvi etirazlar zamanı polislə toqquşmada azı bir nəfər ölüb.

SİA-nın rus saytlarından əldə etdiyi məlumata görə, bu xəbəri “NDTV” verir.

Bundan əlavə etirazçılar ən azı 12 qatarı yandırıblar və daha 300 marşrut xətti sıradan çıxarılıb.

Qeyd edək ki, bir müddət bundan əvvəl Hindistan hökuməti hərbi xidmət islahatları planlarını ictimaiyyətə təqdim edib. İslahatlar planında hərbçilərə uzunmüddətli müqavilələr əvəzinə 4 illik müqavilələr bağlamaq təklif olunurdu ki, bu müddətdən sonra hərbçilərin 75 faizi hərbi pensiya almadan ordunu tərk etməli olacaqdılar. Qalanlarına 15 il müddətinə xidmət etməyə icazə veriləcəkdi.

Bu tədbirlər, hindli rəsmilərin fikrincə, ölkənin silahlı qüvvələrini cavanlaşdıracaq, həmçinin istefada olan əsgərlərin müavinətlərinə qənaət edəcəkdi.

Amma nümayişçilər hesab edirlər ki, islahat potensial hərbçiləri sabit maaş və pensiya ilə təminatlı iş yerlərindən məhrum edir.

Ağasəf Babayev

Digər xəbərlər