“Qarabağın həlli istiqamətində danışıqlar prosesi aktiv fazaya keçib”

Dağlıq Qarabağ münaqişəsinin həlli istiqamətində danışıqlar prosesi aktiv fazaya keçib və tərəflər qarşısında münaqişənin həlli üçün tapşırıq var. SİA-nın xəbərinə görə, bunu Ermənistanda jurnalistlərə açıqlama verən amerikalı həmsədr Robert Bratke deyib: "Ona görə biz qərar verməkdə tələsməli deyilik və yaxın zaman ərzində hansı hadisələrin baş verməsini gözləməliyik".

ATƏT-in Minsk qrupunun həmsədrləri yaxın günlərdə Ermənistandan Rusiya prezidenti Dmitri Medvedevin Dağlıq Qarabağ münaqişəsinin nizamlanması üzrə təklifinə cavab alacaqlarına ümid edirlər. Bunu isə Minsk qrupunun rusiyalı həmsədri İqor Popov Ermənistanın xarici işlər naziri ilə görüşdən sonra bildirib.