“Onlayn satış və ödənişlərə tələbat artan xətlə davam edir“ - İQTİSADÇI DANIŞDI

“İnternet üzərindən alış-verişin artmasının əsas səbəbi zaman keçdikcə insanların rahatlığa üstünlük verməsi və texnoloji tətbiqlərin də sürətli inkişafıdır”. Bu sözləri SİA-ya açıqlamasında iqtisadçı Eldəniz Əmirov bildirib.Onun sözlərinə görə, texniki imkanlar genişləndikcə, istifadə edənlərin sayı da artır: “Nəticədə insanlar onlayn platformaya daha çox üstünlük verirlər. Onlayn satış və ödənişlərə tələbat artan xətlə davam edir. Düşünürəm ki, məsələnin müsbət tərəfləri daha çoxdur. Əsas mənfi tərəf isə alınan məhsul onlayn platformada görünən kimi olmaya bilər. Yəni yanılmaq riski var”.

Müəllif: Səbinə Hüseynli