"Kosmik sahədə Çin ilə əməkdaşlıq Azərbaycanın istəklərindən asılı olacaq" - ÇİN RƏSMİSİ

"Azərbaycan və Çin arasında kosmik sahədə əməkdaşlığın böyük perspektivləri var. Çin kosmik sənayenin inkişafında mühüm irəliləyiş əldə edib. Bu sahədə əməkdaşlıq Azərbaycanın istək və maraqlarından asılı olacaq". SİA xəbər verir ki, bu sözləri Çinin Azərbaycandakı səfirliyinin ticarət və iqtisadi məsələlər üzrə müşaviri Ma Çi deyib.Ma Çi vurğulayıb ki, oktyabrın əvvəlində Bakıda keçiriləcək Beynəlxalq Astronavtika Konqresi İKT, nəqliyyat və s. sahələrdə əməkdaşlığın inkişafına fayda verəcək: "Konqresdə Çindən bir çox nümayəndə heyəti, assosiasiya və şirkətlər təmsil olunacaq. Onların ən böyüyü "China Aerospace Science and Industry Corporation" və "China Aerospace Science and Technology Corporation"dır".

Ləman Sərraf