"Su ehtiyatlarına əlçatanlıq gender bərabərliyi ilə bağlıdır" - Zaur Mikayılov

"Su ehtiyatlarına əlçatanlıq mahiyyət etibarı ilə gender bərabərliyi ilə bağlıdır və bu məsələ həm insan hüquqları, həm də davamlı inkişafın təmin edilməsi üçün açardır". SİA xəbər verir ki, bu sözləri Azərbaycan Dövlət Su Ehtiyatları Agentliyinin sədri Zaur Mikayılov deyib.Onun sözlərinə görə, təmiz suya çıxış hələ də dünyada milyonlarla insan üçün problem olaraq qalır. Lakin daha az bilinən məsələ isə bu problemin qadınlara və qızlara qeyri-mütənasib şəkildə necə təsir etməsidir. Tarixən kənd yerlərində qadınlar və qızlar çox vaxt ailəyə su gətirmək məsuliyyəti daşıyırdılar: “Bu gündəlik iş onların təhsil, məşğulluq və şəxsi inkişaf imkanlarını məhdudlaşdırdı ki, su toplamaq üçün sərf olunan vaxt və enerji onların iqtisadi və sosial vəziyyətinin yaxşılaşdırılması üçün daha səmərəli istifadə oluna bilərdi. Genderə həssas su siyasətini təmin etməklə biz bu bərabərsizlikləri aradan qaldırmağa başlaya bilərik".