Mərkəzi Bank 3 BOKT-un vəzifəli şəxslərini cərimələyib

Azərbaycan Mərkəzi Bankı (AMB) "MJ Financial Services" və "Para" ASC-lər, eləcə də "Azpul" MMC bank olmayan kredit təşkilatlarının (BOKT) vəzifəli şəxslərini cərimə edib. SİA bu barədə AMB-yə istinadən xəbər verir.

Məlumata görə, qurumun apardığı cari nəzarət prosesləri çərçivəsində “Bank olmayan kredit təşkilatları haqqında” qanunun 22.1-ci maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması səbəbilə İnzibati Xətalar Məcəlləsinin 440.1-ci maddəsinə müvafiq olaraq "MJ Financial Services"in vəzifəli şəxsi 1 500 manat, "Para"nın vəzifəli şəxsi 2 000 manat, "Azpul"un vəzifəli şəxsi isə 6 000 manat cərimələnib.