Avropada birjada qazın qiyməti kəskin artdı

Avropada birja ticarətində qazın qiyməti 2023-cü il noyabrın 27-dən bəri ən yüksək həddə - min kubmetr üçün 536 dollara yüksəlib. SİA xəbər verir ki, bunu dekabrın 31-də London ICE Futures birjasının məlumatları sübut edir .

Qazın qiymətinin artması 2025-ci il yanvarın 1-dən Rusiya qazının Ukrayna ərazisindən tranzitinin dayandırılması ilə bağlıdır. Dekabrın 31-i səhər saatlarından etibarən artım 4%-dən çox olub.

Ukrayna 2024-cü il dekabrın 31-də hazırkı müqavilənin müddəti bitdikdən sonra Rusiya ilə qazın Avropaya tranziti ilə bağlı müqaviləni yeniləməkdən rəsmən imtina edib.

Ekspertlərin fikrincə, Rusiya bu vəziyyətə görə müəyyən qədər gəlir itirə bilər, lakin qazın qiymətinin sonradan qalxması sayəsində bunu mütləq kompensasiya edəcək. Bundan əlavə, Moskva ya Kiyevin məhdudiyyətlərindən yan keçməklə Rusiya qazının tədarükü sxemini Avropa ilə razılaşdıra bilər, ya da alternativ tədarük marşrutu - məsələn, "Türk axını" vasitəsilə tapa bilər.