Ötən il Azərbaycanda kondensat hasilatı 2 %-ə yaxın artıb

2024-cü ildə Azərbaycanda 5 milyon 292,34 min ton kondensat hasil edilib. SİA Dövlət Statistika Komitəsinə istinadən xəbər verir ki, bu, 2023-cü ilin göstəricisi ilə müqayisədə 1,7 % çoxdur.Statistik məlumatlara görə, hesabat dövründə ölkədə neft hasilatının ümumi həcmində kondensatın payı 18,2 %, neftin payı 81,8 % - 23 milyon 770,67 min ton (azalma 4,4 %) təşkil edib.Xəbər verildiyi kimi, 2024-cü ildə Azərbaycanda 29 milyon 63,01 min ton neft (kondensatla birlikdə) hasil edilib ki, bu da 2023-cü illə müqayisədə 3,6 % azdır.Xatırladaq ki, Azərbaycanda hasil edilən kondensatın əsas hissəsi "Şahdəniz" yatağının hesabına təmin edilir. Bu yataqdan hasil edilən məhsulun bütün həcmi Bakı-Tbilisi-Ceyhan neft kəməri ilə ixrac edilir. 2023-cü ilin iyulunda istismara verilmiş “Abşeron” qaz-kondensat yatağı və “Ümid” yatağı (“Ümid-Babək” bloku) da kondensat hasilatına töhfə verir.