“Alfa Sığorta” ASC-nin lisenziyasının fəaliyyəti dayandırılmışdır

"Alfa Sığorta" Açıq Səhmdar Cəmiyyətinin lisenziyasının fəaliyyəti dayandırılmışdır.

Dövlət Sığorta Nəzarəti Xidmətindən AzərTAc-a bildirmişlər ki, bu şirkətin əvvəlki lisenziyasının qüvvəsinin başa çatması ilə əlaqədar müddətsiz lisenziyanın verilməsi barədə müraciətini Maliyyə Nazirliyinə qanunvericiliklə müəyyən olunmuş müddətdə təqdim etməməsi ilə bağlıdır.

Bununla əlaqədar ASC-yə sığorta qanunvericiliyinin sığorta və təkrarsığorta əməliyyatlarının dayandırılması ilə bağlı tələblərinə əməl etməsi barədə rəsmi göstəriş verilmişdir.

Cəmiyyətin sığorta fəaliyyətinə müddətsiz lisenziyanın verilməsi barədə müraciətinə qanunvericiliklə müəyyən olunmuş qaydada baxılır.

AzərTAc