Vergi orqanlarına işə qəbul başa çatmışdır

Dövlət vergi orqanlarına işə qəbul müsabiqəsi başa çatmışdır.

Nazirliyin analitik-informasiya şöbəsindən AzərTAc-a bildirmişlər ki, sayca 8-ci olan bu müsabiqədə iştirak etmək üçün 2367 nəfər qeydiyyatdan keçərək elektron ərizə ilə müraciət etmiş, 229-nun ərizəsi yaş hədləri, ixtisasları uyğun olmadığından qəbul edilməmişdir.

Namizədlərdən 1716-sı vergi xidmətinə işə qəbulla bağlı keçirilən test imtahanında iştirak etmiş, onlardan 541-i növbəti mərhələyə buraxılmışdır. Müsahibə mərhələsinə buraxılan və iştirak edənlərdən 290-ı Vergilər Nazirliyinin kadr ehtiyatına daxil edilmişdir. Tezliklə onların vakant yerlərə yerləşdirilməsinə başlanacaqdır.

Hazırda Ərazi Vergilər İdarələri və Rayon Vergilər Şöbələri də daxil olmaqla 42 vakant vəzifə vardır.

AzərTAc