“Balakən” EŞ Müəssisəsi ərazisində yüksək keyfiyyət uğrunda təmir işləri davam etdirilir

Balakən Elektrik Şəbəkəsi (EŞ) ərazisində elektrik enerjisi təminatında keyfiyyət və dayanıqlılıq daha da artırılmışdır.

"Azərenerji" ASC-nin mətbuat xidmətindən AzərTAc-a bildirmişlər ki, müəssisədə 10 kilovoltluq "Sənaye", "Qazbinə", "Katex", "Qazma" və digər elektrik verilişi xətlərinin 2,3 kilometrdən artıq hissəsi təmir edilmişdir.

Cari ilin ötən 5 ayı ərzində müəssisənin xidməti ərazisində keçirilmiş reydlər zamanı 150-ə yaxın istehlakçının sayğac uçot komplektində qüsur aşkar edilmiş, qayda pozuntuları müvafiq qaydada aktlaşdırılmış və 322,1 min kilovat-saatdan artıq itirilmiş elektrik enerjisinin 19,3 min manatdan çox istehlak dəyəri bərpa edilmişdir.

AzərTAc