Avqustun 14-də Bakı Biznes Mərkəzində Azərbaycan və Qazaxıstan arasında "Aktau – İstehsal və Logistika Mərkəzi" layihəsi üzrə Anlaşma Memorandumu imzalanmışdır.
AzərTAc xəbər verir ki, sənəd Azərbaycan tərəfindən Azərbaycanda İxracın və İnvestisiyaların Təşviqi Fondu (AZPROMO) və "Azərsun Holdinq", Qazaxıstan tərəfindən isə bu ölkənin "Morport Aktau" Xüsusi İqtisadi Zonası Səhmdar Cəmiyyəti tərəfindən imzalanmışdır.
Memoranduma uyğun olaraq, Qazaxıstanın "Morport Aktau" Xüsusi İqtisadi Zonasında Logistik Mərkəzin tikintisi həyata keçiriləcəkdir. "Azərsun Holdinq" tərəfindən reallaşdırılacaq layihəyə AZPROMO tərəfindən hər cür dəstək göstəriləcəkdir. Logistik Mərkəz regionun tranzit və ixrac imkanlarının genişləndirilməsi yolu ilə hər iki ölkənin qeyri-neft sektorunun inkişafına töhfəsini verəcəkdir. Bu investisiya layihəsi Azərbaycan və Qazaxıstan arasında iqtisadi-ticarət əlaqələrinin daha da genişləndirilməsi, regionda nəqliyyat infrastrukturunun inkişafı və beynəlxalq yük daşımalarının artımı baxımından əhəmiyyətli olacaqdır.
AzərTAc
Bir çox investisiyalar səmərəsiz olduğunu sübut edib…
2027-ci ildə kəskin azalma mümkündür...
© 2002-2026, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Üzeyir Hacıbəyli küçəsi, 66. Bakı, Azərbaycan.
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV
"Səs" qəzeti "AzərTac" və SİA agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
