Bu il zərdablı fermerlər 475 hektarda pambıq yetişdirmişlər

Zərdab rayonunun pambıqçılıqla məşğul olan torpaq mülkiyyətçiləri məhsul yığımına başlamışlar.

Rayon icra hakimiyyətindən AzərTAc-a bildirmişlər ki, bu il 475 hektar sahədə pambıq yetişdirilmişdir. Tarlalarda kompleks becərmə tədbirləri yüksək səviyyədə həyata keçirilmişdir. Fermerlər əsasən "Ağ qızıl-20", "Ağ qızıl-18" sortlarına üstünlük vermişdir.

Məhsul yığımı kampaniyasına 200 nəfərədək işçi qüvvəsi, kifayət qədər texnika, habelə 2 pambıqyığan kombayn cəlb olunmuşdur.

Toplanan məhsul əsasən "Zərdab-pambıq" və "Ucar-pambıq" Açıq Səhmdar cəmiyyətlərinə satılır.

Bu il hər hektardan 20-25 sentner məhsul götürüləcəyi gözlənilir.

AzərTAc