Bakı-Tbilisi - Qars dəmir yolunun Gürcüstan ərazisində tikintisi cədvələ uyğun davam etdirilir

Gürcüstanın İqtisadiyyat və Sabit İnkişaf Nazirliyinin nəqliyyat siyasəti şöbəsinin müdiri Ketevan Salukvadze demişdir ki, Bakı-Tbilisi-Qars dəmir yolunun Gürcüstan ərazisində tikintisi cədvələ uyğun aparılır və işlər nəzərdə tutulduğu müddətdə başa çatacaqdır.

Onun dediyinə görə, dəmir yolunun Marabda-Tetrisxaro (Ağbulaq) hissəsində işlərin 78 faizi, Tetrisxaro-Zalqa hissəsində 54 faizi, Zalqa-Axalkalaki hissəsində 23 faizi, Axalkalaki-Kartsaxi hissəsində isə 33 faizi artıq yerinə yetirilmişdir.

K. Salukvadze əmin olduğunu bildirmişdir ki, Asiyadan birbaşa Avropaya çıxışı təmin edəcək bu dəmir yolu planda nəzərdə tutulduğu vaxtda istifadəyə veriləcəkdir.

yap.org.az