Ötən il Zaqatalada 155 hektar sahədə yeni meyvə bağları salınmışdır

Zaqatala rayonunda meyvəçiliyin, xüsusilə fındıqçılığın inkişaf etdirilməsi üçün əlverişli iqlim şəraiti mövcuddur. Təsadüfi deyildir ki, rayonda bu sahəyə maraq ildən-ilə artır.

Təkcə 2013-cü ildə Zaqatalada 155 hektar sahədə yeni meyvə bağları salınmışdır.

Rayon icra hakimiyyətindən AzərTAc-a bildirmişlər ki, hazırda rayon ərazisində 11 min 437 hektar meyvə bağları vardır. Bu bağların 9 min 418 hektarını fındıq bağları təşkil edir. Mövcud bağların 10 min 67 hektarı barverəndir. Ötən il rayonda 27 min 743 ton meyvə istehsal olunmuş, o cümlədən fındıq bağlarından 9 min 895 ton məhsul götürülmüşdür. Əvvəlki illə müqayisədə meyvə istehsalı 579 ton, o cümlədən fındıq istehsalı 435 ton artmışdır.

AzərTAc