“Avtonəqliyyat vasitəsi sahiblərinin mülki məsuliyyətinin icbari sığortası” üzrə 1,6 milyon manatdan çox ödəniş olub

Yanvar ayında "Avtonəqliyyat vasitəsi sahiblərinin mülki məsuliyyətinin icbari sığortası" üzrə büronun iştirakçıları olan sığorta şirkətləri tərəfindən 1,296 sığorta tələbi üzrə 1 milyon 657 min 772 manat məbləğində ödəniş həyata keçirilmişdir.

İcbari Sığorta Bürosundan AzərTAc-a verilən məlumata görə, ötən ilin müvafiq dövrü ilə müqayisədə sığorta tələblərinin sayında 15 faiz, ödənişlərin məbləğində isə 4 faiz artım müşahidə olunmuşdur. Ötən ay avtomobillərə dəymiş zərərə görə verilmiş sığorta ödənişlərinin orta məbləği 1,212 manat təşkil etmişdir.

Yanvar ayında İcbari Sığorta Bürosunun icraatında 6 kompensasiya işi olmuşdur. Bu işlərdən biri üzrə vətəndaşa 1500 manat məbləğində kompensasiya verilmişdir.

AzərTAc