Azərbaycan Respublikası Dövlət Neft Şirkətinin (ARDNŞ) kadr hazırlığı siyasətinin tərkib hissələrindən olan "SOCAR Yay Məktəbi" layihəsi daim təkmilləşdirilir. Şirkətin prezidenti Rövnəq Abdullayevin təşəbbüsü ilə qalib komanda ötən il Türkiyənin İzmir vilayətində yerləşən "Petkim" neft-kimya şirkətinin fabriklərində təcrübə keçib.
ARDNŞ-in mətbuat xidmətindən AzərTAc-a bildiriblər ki, "SOCAR Yay Məktəbi-2014" layihəsi çərçivəsində keçirilən qruplararası yarışların qalibləri üçün daha dolğun təcrübə proqramı hazırlanıb. İlk üç yeri tutan komandalar müvafiq olaraq ARDNŞ-in İsveçrə, Türkiyə və Gürcüstanda fəaliyyət göstərən müəssisələrinə göndəriləcək. İstehsalat təcrübəsi ümumilikdə 22 iştirakçını əhatə edəcək. Onlar ARDNŞ-in həmin ölkələrdəki nümayəndəliklərinin fəaliyyəti, həyata keçirdiyi layihələr, aktivlərin idarə edilməsi təcrübəsi ilə tanış olmaq, ətraflı bilgi toplamaq, habelə tarixi yerlərə səyahətlər etmək imkanı qazanacaqlar.
AzərTAc
Bir çox investisiyalar səmərəsiz olduğunu sübut edib…
2027-ci ildə kəskin azalma mümkündür...
© 2002-2026, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Üzeyir Hacıbəyli küçəsi, 66. Bakı, Azərbaycan.
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV
"Səs" qəzeti "AzərTac" və SİA agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
