Azərbaycan - Almaniya Biznes Forumu keçirilir

Bu gün Azərbaycan Sahibkarlar (İşəgötürənlər) Təşkilatları Milli Konfederasiyası (ASK) və Almaniyanın Türingiya İqtisadi İnkişaf Agentliyinin təşkilatçılığı ilə Azərbaycan- Almaniya Biznes Forumu keçirilir. SİA-nın xəbərinə görə, biznes forumda Almaniyanın iqtisadi cəhətdən inkişaf etmiş Türingiya bölgəsinin tanınmış şirkətlərinin nümayəndələri, habelə Türingiyanın İqtisadi İnkişaf Agentliyinin rəhbərliyi və 60-dan çox yerli şirkət təmsilçiləri iştirak ediblər. Forumda iki ölkə arasında müqavilələr imzalanacaq.Qeyd edək ki, Türingiyadan ölkəmizə işgüzar səfər edən 15-ə yaxın alman şirkətləri arasında dünya şöhrətli "EPC Engineering", "Funkwerk", "Butzbach GmbH", "Lehnard" CEPT GmbH və s. kimi şirkətlər də mövcuddur. Bu şirkətlər Azərbaycanda tərəfdaş tapmaq və əməkdaşlıq etmək niyyətindədirlər.

sia.az