“Tufandağ” Qış-Yay Turizm İstirahət Kompleksində son üç ildə 300 mindən çox turist istirahət edib

"Tufandağ" Qış-Yay Turizm İstirahət Kompleksinə qış aylarında üz tutan turistlərin sayında artım müşahidə olunur.Kompleksdən AZƏRTAC-a bildirilib ki, əsasən həftə sonlarında turist izdihamının yaşandığı "Tufandağ"da hazırda böyüklər və uşaqlar üçün yaradılan şərait yüksək keyfiyyəti ilə seçilir. Müasir tələblər səviyyəsində qurulan kompleksdə turizm potensialının olduqca əlverişliliyi ölkəmizə turist kimi üz tutan xarici ölkə vətəndaşlarını da bura getməyə sövq edir. Bu il ən çox Ərəb ölkələrindən bura gələnlərin sayında artım müşahidə olunur. Son üç il ərzində kompleks 300 mindən çox turist qəbul edib. Bura gələn turistlər azı bir həftə istirahət edirlər.Qeyd olunub ki, yaxın gələcəkdə ölkəmizdə turizm sənayesinin inkişafı istiqamətində görülən işlərə töhfə olaraq kompleks daha çoxsaylı turist axınını təşkil etmək üçün müvafiq addımlar atacaq.

AZƏRTAC