Azərbaycan avtomobil idxalını 40 faizdən çox artırıb

2021-ci ilin yanvar-avqust aylarında Azərbaycan 56 361 avtomobil idxal edib ki, bu da ötən ilin eyni dövrü ilə müqayisədə 41,13 faiz çoxdur.

SİA Trend-ə istinadən bildirir ki, bu barədə Dövlət Gömrük Komitəsinin hesabatında məlumat verilir.

Hesabat dövründə idxal olunan avtomobillərin 52 488-i minik avtomobili olub ki, bu da 2020-ci ilin eyni dövrü ilə müqayisədə 40,8 faiz çoxdur.

Azərbaycan bu ilin səkkiz ayı ərzində 10 və daha çox sərnişintutumlu 123 avtomobil, 55 elektromobil və 7 234 hibrid avtomobil ixrac edib.

Bu ilin yanvar-avqust aylarında Azərbaycana idxal olunan yük avtomobillərinin sayı ötən ilin eyni dövrü ilə müqayisədə 87 faiz artaraq 3 675 ədəd təşkil edib.

Hesabat dövründə Azərbaycan 571,757 milyon dollar məbləğində avtomobil idxal edib.