Azərbaycanın xarici ticarət dövriyyəsi 2 dəfəyə yaxın artıb

2022-ci ilin yanvar-mart aylarında Azərbaycan Respublikasının hüquqi və fiziki şəxsləri dünyanın 152 ölkəsindəki tərəfdaşları ilə ticarət əməliyyatları həyata keçirib, 100 ölkəyə məhsul ixrac olunub, 140 ölkədən idxal olunub.Bu barədə SİA-ya Dövlət Statistika Komitəsindən məlumat verilib.Qeyd edilib ki, gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2022-ci ilin yanvar-mart aylarında ölkənin xarici ticarət dövriyyəsi 12 milyard 194,2 milyon ABŞ dolları təşkil edib.Ticarət dövriyyəsinin 9 milyard 267,1 milyon dollarını və ya 76,0 faizini ölkədən ixrac olunmuş məhsulların, 2 milyard 927,1 milyon dollarını (24,0 faizini) isə idxal məhsullarının dəyəri təşkil etmiş, nəticədə 6 milyard 340,0 milyon dollar məbləğində müsbət saldo yaranıb.2021-ci ilin yanvar-mart ayları ilə müqayisədə xarici ticarət dövriyyəsi faktiki qiymətlərlə 1,7 dəfə, real ifadədə 9,5 faiz, o cümlədən ixrac 16,8 faiz artıb, idxal isə 3,7 faiz azalıb.

sia.az