Ağcabədidə Ramazan Bayramı ilə əlaqədar tədbir keçirilib - FOTOLAR

Aprel ayının 9-da YAP Ağcabədi rayon təşkilatının, Gənclər üçün Təhsil Mərkəzi Qarabağ Regional ofisinin, Güvən Xeyriyyə İctimai Birliyinin birgə təşkilatçılığı ilə Ümummilli Lider Heydər Əliyevin anadan olmasının 101 illiyi çərçivəsində “Ramazan xeyirxahlıq və müqəddəslik bayramıdır” mövzusunda tədbir keçirilmişdir. Tədbirdə şəhid ailələrinin və aztəminatlı ailələrin üzvləri iştirak etmişdir. Ümummilli Lider Heydər Əliyevin və Azərbaycanın müstəqilliyi və ərazi bütövlüyü uğrunda canından keçən şəhidlərin xatirəsi 1 dəqiqəlik sükutla yad edilmişdir.Tədbiri YAP Ağcabədi rayon təşkilatının sədri Rövşən Əhmədov açımış və Azərbaycanın Dövlət Himni səslənmişdir.

Rövşən Əhmədov çıxışına davam edərək bildirmişdir ki, sabah ölkəmizin hər yerində xeyirxahlıq, mərhəmət və əxlaqi saflıq rəmzi olan Ramazan bayramıdır. Mən bu müqəddəs bayram münasibətilə tədbir iştirakçılarını, eləcə də bütün xalqımızı təbrik edir, xoş arzularımı çatdırıram.

Natiq çıxışında vurğulamışdır ki, bu yaxınlarda anadan olmasının 101-ci il dönümünü qeyd edəcəyimiz Ümummilli Lider Heydər Əliyev xalqımızın milli-mənəvi dəyərlərinə, dini inanc və etiqatlarına həmişə böyük ehtiramla yanaşmış, müsəlmanların müqəddəs saydığı məkanların ziyarətçisi olmuşdur.Tədbirdə Gənclər üçün Təhsil Mərkəzi Qarabağ Regional ofisinin rəhbəri Radə Qafarova, “Güvən” Xeyriyyə İctimai Birliyinin sədri Nigar Bayramlı çıxış edərək tədbir iştirakçılarını Ramazan bayramı münasibətilə təbrik etmiş, budəfəki bayramın düşmən tapdağından azad edilmiş bütün suverən ərazilərimizdə keçirildiyini qeyd etmişlər.

Tədbirdə iştirak edən şəhid ailələrinin üzvləri Nüşabə İbrahimova və Vüsalə Sarıyeva çıxış edərək bu əziz gündə onları unutmadıqları üçün tədbirin təşkilatçılarına minnətdarlıqlarını bildirmişlər.Tədbirdə bir qrup şəhid ailələrinə və aztəminatlı ailələrə bayram sovqatı təqdim edilmişdir.Tədbir Yeni Azərbaycan Partiyasının Himninin səslənməsi ilə başa çatmışdır.