"Azərbaycan dünya dövlətləri arasında layiqli yerini tutub"

Yeni Azərbaycan Partiyası (YAP) Quba rayon təşkilatında cənab İlham Əliyevin prezidentlik fəaliyyəti dövründə Azərbaycanın əldə etdiyi uğurlardan bəhs edən tədbir keçirilib.

Əvvəlcə Quba Rayon İcra Hakimiyyətinin başçısı İlqar Mahmudov və YAP Quba rayon təşkilatının sədri Fidan Hüseynova Ulu Öndər Heydər Əliyevin abidəsini ziyarət edib, abidə önünə gül dəstələri düzüblər.
Tədbirdə Ulu Öndər Heydər Əliyevin və torpaqlarımızın işğaldan azad edilməsi uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad olunub.
Tədbirdə çıxış edən YAP Quba rayon təşkilatının sədri Fidan Hüseynova, Quba Rayon İcra Hakimiyyətinin başçısı İlqar Mahmudov, Vətən Müharibəsi Qəhrəmanı şəhid Mehrab Niftəliyevin atası Söhrab Niftəliyev, Rayon Ağsaqqallar Şurasının sədri İldırım Məmmədov Ulu Öndərin layiqli davamçısı, Müzəffər Ali Baş Komandan İlham Əliyevin Ümummilli Liderin müəyyənləşdirdiyi inkişaf kursunu böyük bacarıqla davam etdirdiyini deyiblər. Vurğulanıb ki, Prezident İlham Əliyevin 21 illik fəaliyyəti dövründə ölkəmiz bütün istiqamətlərdə qazandığı böyük uğurlarla dünya dövlətləri arasında layiqli yerini tutub.
Vətən müharibəsində əldə olunan tarixi Zəfərimizin Müzəffər Ali Baş Komandan İlham Əliyevin şah əsəri olduğu qeyd edilib.
Sonda partiyanın ictimai-siyasi həyatında fəal iştirak edən partiya üzvlərinə fəxri fərmanlar, Yeni Azərbaycan Partiyası sıralarına yeni qoşulanlara isə üzvlük vəsiqələri təqdim olunub.