PDF Oxu

Siyasət

  • 472

USAİD -in bağlanması Əli Kərimlini ağır duruma salıb ANALİZ

image

Reallıq ondan ibarətdir ki, bu gün Azərbaycan tarixinin ən qürurlu və şərəfəli dövrünü yaşayır. Torpaqlarımızın erməni işğalından azad edilməsi ilə müstəqil Azərbaycan dünyaya ən qüdrətli və yenilməz dövlət olduğunu nümayiş etdirdi. Həm də təsdiq olundu ki, Azərbaycan xalqı müasir dövrün ən mübariz və öz dəyərlərinə sahib çıxmağı, onu qoruyub saxlayaraq inkişaf etdirməyi bacaran xalqdır. Təəssüflər olsun ki, içimizdə elə məkrli məxluqlar var ki, böyük uğurlarımıza, möhtəşəm qələbələrimizə kölgə salmağa, ləkələr yaxmağa cəhdlər göstərirlər. Onların sırasında AXCP sədri Əli Kərimli, Milli Şuranın rəhbəri Cəmil Həsənli, Müsavatın keçmiş və indiki başqanları İsa Qəmbər və Arif Hacılı daha iyrənc fəaliyyət yolu tuturlar. Onlar ölkəmizin istənilən uğuruna, qazanılan nailiyyətinə qarşı qısqanclıqla yanaşırlar. Hər vəchlə çalışırlar ki, əldə olunan uğurlara qarşı ləkə yaxsınlar.

Əli Kərimli cəbhəçilər tərəfindən sərt şəkildə qınanıldı

Diqqətçəkən məqam ondan ibarətdir ki, bəzən dağıdıcı ünsürlərin xalqın milli maraqlarına qarşı qarayaxma kampaniyası aparması ətraflarında hərlənən trollar tərəfindən də xoş qarşılanmır. Məsələn, AXCP-nin Nizami rayon şöbəsinin üzvü Şakir Vəliyev sosial şəbəkə hesabında Ə.Kərimlinin suverenliyimizin bərpa olunmasına qısqanclıqla yanaşmasını ona olan kənar təsirlərlə əlaqələndirir. Cəbhəçi Jalə Xuduyeva isə Ə.Kərimlini xalqın sevincinə şərik olmamaqda qınayıb. Bir qədər əvvəl AXCP funksioneri Sahib Kərimli sosial şəbəkə hesabında Əli Kərimlini sərt şəkildə tənqid etmiş, onu qorxaqlıqda qınamışdır: “Siyasi partiya ictimai institutdur. Onun sədri hakimiyyət uğrunda mübarizədə qalib gəlməyə bilər, amma ictimai institut cəmiyyət və dövlət üçün, heç olmasa faydalı kadrlar hazırlamalıdır. Təkcə siyasi məhbus və siyasi satqından başqa heç nə yetişdirməyən AXCP və lideri Əli Kərimli kimə nə faydası ola bilər?”

S.Kərimli paylaşdığı statusunda onu da qeyd edir ki, hazırkı mərhələdə AXCP-nin konkret əməli fəaliyyəti yoxdur, yalnız ağlaşma, giley var: “Sonda da xalqa minnət qoymaq ki, hamılıqla meydana çıxmasanız heç nə düzələn deyil. Əli Kərimli, o meydana bir dəfə də özün çıx, o həbsə bir dəfə də özün gir. Get bölgələrə, şəhid dəfnlərində iştirak elə, Rusiya səfirliyinin qarşısına çıx. Sosial şəbəkəni, youtube kanallarını ağlama divarına çevirib, dələduz kahinlər kimi "ibadətlə" məşğul olmağa nə var ki”.

Müxalifət düşərgəsində yeni parçalanma gözlənilir

Görünən fakt ondan ibarətdir ki, cəmiyyətin hər bir üzvü, müxalifətdə olmağından asılı olmayaraq Ə.Kərimlinin, Cəmil Həsənlinin, İsa Qəmbərin, Arif Hacılının və digərlərinin fəaliyyətlərinə qarşı öz etirazlarını bildirirlər. Bu isə dağıdıcı müxalif başbilənlərlə trollar arasında ciddi qarşıdurmanın yaşandığını göstərir. Hətta deyilənlərə və yazılanlara görə, bəzi cəbhəçilər Ə.Kərimli ilə siyasi yol getməyin mümkün olmadığını bəyan edərək, partiyadan istefa verməyə hazırlaşırlar. Vəziyyətin gərginliyini dərinləşdirən amillərdən bir də Ə.Kərimlinin Fuad Qəhrəmanlı vasitəsi ilə sosial şəbəkələrdə qara-qura işlər həyata keçirən trolların maaşlarını verməmələridir. Çimnaz adlı AXCP trol şəbəkəsinin üzvü paylaşdığı statusunda üstüörtülü şəkildə qeyd edib ki, partiyanın maraqlarına uyğun çalışdığı üç aylıq zəhmətinə rəhbərlik tərəfindən qiymət verilməməsi onda təəssüf hiss yaradıb. Mahir Məmmədzadə adlı cəbhəçi isə narazılığını açıq formada ifadə edib: “Şəxsi mesencerimə gələn tapşırıqları vicdanla yerinə yetirmişəm. Ancaq Fuad bəy bizə çatmalı olan qonorarımızı gecikdirir, Əli bəy isə bizimlə görüşməyi özünə sığışdırmır. Bizə göstərilən hörmətsizliyə dözmək istəyində deyilik” .

M.Məmmədzadənin hədəsi onu deməyə əsas verir ki, AXCP-də növbəti qarşıdurmanın baş verəcəyi gözlənilir. Çünki narazı cəbhəçilər növbəti dəfə Ə.Kərimlinin onların haqqını yeməyi həzm etmək fikrində deyillər. Qısa müddət aylıq ödənişlər həyata keçirilməsə, o zaman AXCP yenidən parçalanacaq.

USAİD-in bağlanması AXCP-də gərginliyi dərinləşdirib

Söz yox ki, Əli Kərimlinin trollarına aylıq məvacibləri ödəməkdə çətinlik çəkməsinin səbəbləri var. Başlıca səbəbi ABŞ-nin yeni prezidenti Donald Trampın bir sıra maliyyə fondlarının, xüsusilə də daim maliyyə yardımları aldıqları USAİD-in bağlanması qərarıdır. Nəzərə almaq lazımdır ki, Ə.Kərimli və C.Həsənli açıq şəkildə USAİD-lə, eləcə də SOROS Fondu ilə əməkdaşlıq etdiklərini bəyan edirdilər. Yəni əlaqələrini gizlətməyə zərurət duymurdular. Bu da cəmiyyətin onların kiminlə və hansı formada əlaqələr qurduqlarını bilmələri ilə bağlı idi. “Milli Şura”nın sədri Cəmil Həsənlinin müsahibələrinin birində “hər ay Soros fondundan 200 ABŞ dollar məvacib almışam”,- deyə bildirməsi münasibətlərin açıq formada qurulduğunu göstərir. Söz yox ki, C.Soros nə dəli, nə də ki gic deyil. Deyilənə görə, qırmızı turp kimidir, yerə vursan yer dağılar. Bu baxımdan pullarını mənasız yerə Əli Kərimli, Cəmil Həsənli kimilərə paylamaz. Deməli, səbəb var: “Əl əli yuyar, əl də üzü yuyar” məsəlinə uyğun olaraq hər iki tərəf bir-birindən mənfəət əldə etməyə çalışırlar. Sorosun məkrli niyyəti Azərbaycanda gərginlik yaratmaqdır. Dağıdıcı müxaliflərin isə istəkləri pul qazanmaqdır. Tərəflərin əməkdaşlığı da bir-birinin maraqlarını təmin etməyə hesablanıb. Lakin “sən saydığını say, gör, Tramp nə sayır”. D.Tramp prezidentlik səlahiyyətlərinin icrasına başladığı ilk günlərdə bir əmrlə C.Sorosu yurdsuz, Ə.Kərimli və C.Həsənli kimiləri isə M.Məmmədov, Çimnaz kimi trolların yanında üzüqara qoydu. İndi də Ə.Kərimli vəziyyətdən çıxmaq üçün yeni şəbəkələr axtarışındadırlar. AXCP-nin trolları isə gözləmək fikrində deyillər. Qısa müddət ərzində 3 aylıq məvaciblər ödənilməsə AXCP parçalanmaya məruz qalacaq. Bu halda artıq C.Soros da ona kömək edə bilməyəcək.

İLHAM ƏLİYEV

Digər xəbərlər