Netanyahu Macarıstan ərazisinə daxil olsa həbs ediləcək - FOTO

Macarıstanın yeni baş naziri Peter Magyar yeni açıqlama ilə çıxış edib

Macarıstanın yeni baş naziri Peter Magyar bildirib ki, Beynəlxalq Cinayət Məhkəməsi (BCM) tərəfindən İsrail Baş naziri Benyamin Netanyahu haqqında qəbul etdiyi qərara əsasən Macarıstan ərazisinə daxil olacağı təqdirdə həbs olunacaq.

Qeyd edək ki, Beynəlxalq Cinayət Məhkəməsi Netanyahuya müharibə cinayətləri və insanlığa qarşı cinayətlər şübhəsi ilə 2024-cü ilin noyabr ayında həbs orderini verib. Beynəlxalq hüquqa görə, BCM üzvü dövlətləri ümumiyyətlə bu cür orderlərə tabe olan şəxsləri həbs etməyə borcludurlar.

Baş nazir Viktor Orbanın rəhbərliyi altında Macarıstan 2025-ci ilin aprelində Budapeştə səfər edərkən İsrail liderini həbs etməkdən imtina edib. Görüşdən əvvəl Orban Macarıstanın BCM-dən çıxdığını elan edib və Netanyahuya toxunulmazlıq təmin edib.

Lakin Magyar Macarıstanın BMT Baş katibinə rəsmi olaraq çıxması barədə məlumat verdikdən bir il sonra, yəni 2 iyun tarixinə qədər BCM-dən çıxmasını dayandıracağını açıqlayıb.

Jurnalistlərin Netanyahunun bu payız planlaşdırılan səfəri üçün bunun nə demək olduğunu soruşduqda, Magyar belə cavab verdi: "Mən bunu İsrail Baş nazirinə aydın şəkildə bildirdim... Tisa hökuməti Macarıstanın BCM –dən çıxmasını dayandırmaq və Macarıstanın Beynəlxalq Cinayət Məhkəməsinin üzvü olaraq qalmasını təmin etməkdə qərarlıdır."

"Əgər bir ölkə Beynəlxalq Cinayət Məhkəməsinin üzvüdürsə və Beynəlxalq Cinayət Məhkəməsi tərəfindən axtarılan bir şəxs ərazimizə daxil olarsa, həmin şəxs saxlanılmalıdır", - Magyar dedi.

Məlumata üçün qeyd etmək lazımdır ki, İsrail tərəfi bildirib ki, Netanyahu ilə ilk telefon danışığında Magyar onu oktyabr ayında Budapeştdə Macarıstan İnqilabının 70-ci ildönümü münasibətilə keçiriləcək şənliklərə dəvət edib.

İlham