Qalib xalqın qəhrəmanlıq salnaməsi - ŞƏRH

Tarixdə bəzən elə günlər olur ki, bir xalqın əsrlərə sığmayan qüruruna çevrilir. 8 noyabr xal­qımızın yaddaşına qızıl hərflərlə yazılan müqəddəs tarixdir. Bu ta­rix il­lərlə qəlb­lərdə yaşadılan bir arzunun gerçəyə çevrildiyi, Vətən həsrətinin se­vin­cə, nis­­gi­lin qürura qarışdığı gündür. Zəfər Günü xalqımızın yaddaşında torpağa bağ­lılığın, mil­li həmrəyliyin, əzmin və fədakarlığın rəmzi kimi yaşayır. 2020-ci il 27 sentyabr günündə başlayan Vətən müharibəsi Azərbaycan tarixinin ən mühüm mər­­­­hələlərindən bi­rinə çevrildi. 44 gün davam edən hərbi əməliyyatlar zamanı Şan­lı Ordumuz yük­sək döyüş hazırlığı, peşəkarlıq, müasir hərbi imkanlar və bö­yük ruh yüksəkliyi nü­mayiş etdirdi. Cəbhədə qazanılan uğurlar təkcə hərbi nə­ti­cə de­yil­di, bu uğurlar uzun illər doğma yurdlarından ayrı düşmüş insanların qəl­bin­də ya­şat­dıqları qayıdış ümi­dini gerçəyə yaxınlaşdırırdı.

Müharibənin hər günü xalqın diqqəti cəbhəyə yönəlmişdi. Azərbaycanın müx­tə­lif bölgələrində insanlar ordumuza dəstək göstərir, əsgər və zabitlərimizin qələbə ilə qayıdacağına inanırdılar. Ön cəbhədə döyüşən hərbçilərlə arxa cəbhədə çalışan, yar­dım göstərən, mənəvi dəstək verən insanlar arasında görünməz, lakin möhkəm bağ yaranmışdı. Bu birlik Vətən müharibəsinin mühüm mənəvi dayaqlarından biri oldu.

Zəfərə gedən yolun ən parlaq məqamlarından biri noyabrın 8-də Şuşanın azad edil­məsi oldu. Qarabağın tacı, Azərbaycanın mədəniyyət paytaxtı və milli yad­da­şı­mı­zın rəmzlərindən biri olan Şuşanın azadlığı xalqımız üçün xüsusi məna daşıyırdı. Şuşa xəbəri ölkənin hər yerində böyük sevinc və qürur hissi ilə qarşılandı. Həmin gü­nün tarixi əhəmiyyəti nəzərə alınaraq 8 Noyabr Azərbaycanda Zəfər Günü kimi tə­sis edildi.

Şuşa əməliyyatı mürəkkəb relyef və çətin döyüş şəraiti ilə seçilirdi. Azərbaycan hərbçi­lərinin göstərdiyi cəsarət, çeviklik və fədakarlıq bu əməliyyatın uğurla nə­ti­cə­lənməsində mühüm rol oynadı. Şəhərin azad edilməsi müharibənin gedişinə cid­di təsir göstərdi və 2020-ci il noyabrın 10-da hərbi əməliyyatların dayandırılması ilə bağlı üçtərəfli bəyanatın imzalanmasından əvvəl baş verən həlledici ha­di­sə­lər­dən biri oldu. 44 günlük müharibədən sonra siyasi razılaşma əsasında Ağdam, Kəlbəcər və La­çın rayonlarının Azərbaycana qaytarılması da həmin dövrün mü­hüm nəti­cə­lə­rin­dən oldu. Beləliklə, döyüş meydanında qazanılmış üstünlük sonrakı mər­hələdə si­ya­­si proseslərlə tamamlandı. 8 Noyabrın Zəfər Günü kimi təsis edil­mə­si isə Şuşa­nın azad olunmasının tarixi və mənəvi əhəmiyyətini dövlət səviy­yə­sin­­də əbədi­ləş­dir­di. Bu tarix həm də gələcək nəsillərə mübarizənin, birliyin və ta­ri­xi yaddaşın əhə­miyyətini xatırladır.

Bu tarixi prosesdə Ali Baş Komandan İlham Əliyevin rəhbərliyi, müharibə gün­­lərində xalqa müraciətləri və beynəlxalq informasiya məkanında aparılan fə­a­liy­yəti də mühüm yer tutdu. Dövlətin siyasi iradəsi, diplomatik səylər, iqtisadi im­kan­lar və müasir ordu quruculuğu uzun illər ərzində formalaşmış hazırlığın nəticəsi idi. Zəfər bir günün içində yaranmadı; onun arxasında dövlətçilik təcrübəsi, məq­səd­yönlü hazırlıq, xalqın dəstəyi və hərbçilərin fədakarlığı dayanırdı.

Qələbə ilə yeni bir mərhələ başladı. İşğaldan azad edilmiş ərazilərdə həyatın bər­­pası, infrastrukturun yenidən qurulması, tarixi-mədəni irsin qorunması və insan­la­­rın doğma yurdlarına qayıdışı dövlət siyasətinin əsas istiqamətlərindən birinə çev­­­rildi. Uzun illər dağıntılarla üz-üzə qalmış yaşayış məntəqələrində yeni­dən­qur­ma işlərinin aparılması Zəfərin quruculuqla davam etdiyini göstərir.

Qarabağ və Şərqi Zəngəzurda yolların, tunellərin, körpülərin, elektrik və su tə­sər­­rüfatı sistemlərinin yaradılması bölgənin gələcək inkişafı üçün mühüm zəmin for­malaşdırır. Hava limanlarının və nəqliyyat infrastrukturunun inkişafı isə bu əra­zi­lərin ölkənin iqtisadi və sosial həyatına daha sıx inteqrasiyasına imkan yaradır.

Zəfər elə bir uca zirvədir ki, ona aparan yol qəhrəmanlıqdan, Vətən sevgisindən və böyük mübarizədən keçir. Vətənə məhəbbət bəzən bir insanın bütün həyatından, ar­zularından, gələcək planlarından üstün olur. Azərbaycan əsgəri də bu sevginin ən ali nümunəsini göstərdi. Azərbaycan Ordusunun igid əsgər və zabitləri doğma tor­paq­larımızın azadlığı uğrunda çiyin-çiyinə vuruşaraq tarix yazdılar. Bu mü­ha­ri­bə­nin qəhrəmanlıq salnaməsində şəhidlərimizin yeri əbədidir. Onlar Vətənin azadlığı na­minə ən müqəddəs nemət olan canlarından keçdilər. Hər bir şəhidin ömür yolu ay­rıca bir qəhrəmanlıq dastanıdır. Onlar doğma torpağın müdafiəsinə qalxaraq ölü­mün üzərinə getdilər. Onlar bilirdilər ki, bu yolun sonunda ağır sınaqlar, bəzən də ge­ri dönüşü olmayan bir ayrılıq var. Buna baxmayaraq, Vətənin bütövlüyünü şəxsi hə­yatlarından üstün tutdular.

Zəfər tariximizin digər canlı qəhrəmanları qazilərimizdir. Onlar döyüş mey­da­nında düşmənə qarşı mərdliklə vuruşaraq sağlamlıqlarını, bədən üzvlərini itirsələr də, ruhən sınmadılar. Hər bir qazi Vətən müharibəsinin canlı salnaməsidir. Onların ya­raları təkcə fiziki ağrının deyil, həm də azadlıq uğrunda aparılan mübarizənin ni­şa­nəsidir. Bədənlərində daşıdıqları döyüş izləri xalqımızın müstəqillik və ərazi bü­töv­lüyü uğrunda mübarizəsinin unudulmaz izləridir.

Hər dəfə üçrəngli şanlı bayrağımızın azad Qarabağ səmasında dalğalandığını gö­­rəndə bir daha anlayırıq ki, Zəfər asan qazanılmayıb. O, milyonlarla ürəyin dö­yün­tü­sü, minlərlə ailənin duası, şəhidlərimizin canlarından keçməsi, qazilərimizin ağ­­rısı və əsgərlərimizin misilsiz cəsarəti hesabına əldə edilib.

Zəfər Günü həm də tarix qarşısında məsuliyyət günüdür. Qələbəni xatırlamaqla ya­­naşı, onun hansı bədəllə qazanıldığını dərk etmək vacibdir. Bu tarix gənc nəslə Və­­təni sevməyin, dövlətçiliyi qorumağın, bilik və bacarıqla ölkənin inkişafına töh­­fə verməyin əhəmiyyətini aşılamalıdır.

Şəhidlərimizin ruhu qarşısında baş əyir, qazilərimizə şəfa və möhkəm can sağ­lı­ğı arzulayır, bütün döyüşçülərimizin qəhrəmanlığını ehtiramla yad edirik. Onların yaz­dığı Zəfər dastanı Azərbaycan var olduqca yaşayacaq. Çünki bu Zəfər yalnız tor­paqların azadlığı deyil, həm də milli qürurumuzun, birliyimizin və yenilməz ru­hu­muzun təntənəsidir!

Zəfərimiz mübarək olsun!

Nemət Məmmədov

“Ayna Sultanova 5” ərazi partiya təşkilatının sədr müavini

Azərbaycan Memarlıq və İnşaat Universitetinin müəllimi