Almaniyada Rusiyanın xeyrinə casusluq edən ukraynalı saxlanılıb - FOTO

Almaniya Ştutqart Ali Regional Məhkəməsi ukraynalı kişini Rusiyanın xeyrinə cəsusluq etməkdə günahlandıraraq öbir il üç ay müddətinə azadlıqdan məhrum edib. Hökm çıxarılarkən və işin əvvəlində məhkəmə təqsirləndirilən şəxsin şəxsiyyəti və ya konkret ittihamlar barədə heç bir şərh verməyib.Digər iki ukraynalı təqsirləndirilən şəxs bəraət alıb.

Kişilər ötən may ayında Konstanz, Köln və İsveçrənin Turqau kantonunda saxlanılıblar. Federal Prokurorluğun apardığı araşdırmaya görə, onların bağlama çatdırılma xidmətinin nəqliyyat marşrutlarını hədəf alan təxribat planında iştirak etdikləri iddia edilir.

Saxlanılanlar 2025-ci ilin mart ayında Ukrayna poçt xidməti vasitəsilə Ukraynaya GPS izləyiciləri olan iki bağlama göndərməkdə ittiham olunublar. Baş prokurorun sözlərinə görə, əmr Rusiya kəşfiyyat xidməti tərəfindən Ukraynanın Mariupol şəhərində vasitəçilər vasitəsilə verilib. Məqsəd kuryer xidməti operatorunun marşrutları və daşınma prosedurları haqqında məlumat toplamaq idi.

İttihamnamədə qeyd edildiyi kimi, müstəntiqlər hesab edirlər ki, növbəti addım təqsirləndirilən şəxslərin daşınma zamanı partlatmaq üçün nəzərdə tutulmuş yandırıcı qurğular olan bağlamalar göndərməsi idi. Federal prokurorlar iddia edirlər ki, bu bağlamalar "Almaniyada və ya Rusiya tərəfindən işğal edilməmiş Ukrayna ərazilərinə gedən yolda başqa yerdə alovlandırmaq, əhalinin təhlükəsizlik hissini sarsıtmaq məqsədilə mümkün qədər çox ziyan vurmaq" məqsədi daşıyırdı.

İttihamnamədə həmçinin qeyd olunur ki, üç nəfər bu bağlamaların göndərilməsini təşkil edib. Lakin prokurorların sözlərinə görə, onlar bu hücumlara hazırlaşarkən saxlanılıblar.

Federal prokuror yekun çıxışında təqsirləndirilən şəxslər üçün iki il doqquz aydan dörd il üç aya qədər həbs cəzası istəyib. Müdafiə vəkilləri bəraət istəyiblər.

İlham