YAP Qazax rayon təşkilatı tərəfindən Ümummilli Lider Heydər Əliyevin anadan olmasının 101-ci ildönümünə həsr olunmuş növbəti tədbir “Dahilər ölmürlər, əbədiyyətə qovuşurlar ! ” mövzusunda "Azərbaycan Bayrağı" ordenli şəhid Qaratel Hacımahmudova adına ümumi orta məktəb ərazi partiya təşkilatında keçirildi. Tədbir Azərbaycan Respublikasının Dövlət Himninin səsləndirilməsi ilə başlandı.
Ümummilli Lider Heydər Əliyevin və Azərbaycanın suverenliyi və ərazi bütövlüyü uğrunda canlarından keçmiş qəhrəman övladlarımızın əziz xatirəsi bir dəqiqəlik sükutla yad edildi.
Tədbiri giriş sözü ilə Q.Hacımahmudova adına ümumi orta məktəb ərazi partiya təşkilatının sədr müavini Çiçək Sanıyeva açdı.
YAP Qazax rayon təşkilatının sədri Anar Nəbiyev çıxış edərək müasir, müstəqil Azərbaycanın keçdiyi keşməkeşli və uğurlu inkişaf yolundan,Ulu Öndərin misilsiz xidmətlərindən, şərəfli və mənalı həyatından, onun əsasını qoyduğu siyasi kursun bu gün Möhtərəm Prezidentimiz İlham Əliyev cənabları tərəfindən qətiyyətlə, müvəffəqiyyətlə davam etdirilməsindən ətraflı danışdı.
Tədbirdə Q.Hacımahmudova adına ümumi orta məktəbin müəllimləri Flora Əmirova, Gülbəniz Bəxtiyarova, Mehriban Kərimova, şəhid İlqar Hüseynovun anası Nurcahan Ağasultanova çıxış edərək Ümummilli Lider Heydər Əliyevin doğma xalqı və vətəni uğrunda müstəsna xidmətlərindən, misilsiz fəaliyyətindən ətraflı danışdılar.
Sonda şagirdlər Ulu Öndərə həsr olunmuş şeirlər söylədilər və müxtəlif ədəbi – bədii kompozisiya ilə çıxış etdilər.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
