BMT Avstraliyanı qaçqınların hüquqlarını pozmaqda ittiham edir

BMT-nin İnsan Haqları Komitəsi Avstraliyanın insan hüquqları müqavilələrini pozduğunu müəyyən edib. Buna səbəb bir neçə il əvvəl Nauru ada əyalətindəki Avstraliya qaçqınlar mərkəzinə göndərilən bir qrup sığınacaq axtaran şəxsin saxlanılması olub. Onların arasında Əfqanıstan, İraq, İran, Pakistan, Şri-Lanka və Myanmadan olan 24 azyaşlı var.

Sözügedən sığınacaq axtaranlar 2013-cü ildə dəniz yolu ilə Avstraliyaya gedərkən tutuldular. Onlar əvvəlcə Milad adasında bir neçə gün saxlanılıb, sonra isə Naurudakı izdihamlı immiqrasiya mərkəzinə göndərilib. BMT bildirib ki, qaçqınlar “qeyri-kafi su və kanalizasiya, yüksək temperatur və rütubət və qeyri-adekvat tibbi xidmət”lə üzləşiblər.

BMT-nin hesabatında deyilir: “Demək olar ki, bütün yetkinlik yaşına çatmayanlar fiziki və əqli vəziyyətinin pisləşməsindən, o cümlədən depressiya, böyrək problemləri, yuxusuzluq, baş ağrıları, yaddaş problemləri və çəki itkisindən əziyyət çəkirdilər”.

BMT-nin İnsan Hüquqları Komitəsi müəyyən edib ki, Avstraliya bununla da Mülki və Siyasi Hüquqlar haqqında Beynəlxalq Paktın əsassız həbsdən azad olmaq hüququnu təmin edən maddəsini pozub. İndi hakimiyyət orqanlarından “adekvat kompensasiya” təmin etməli və miqrasiya qanunvericiliyinə yenidən baxılması da daxil olmaqla, gələcəkdə oxşar hadisələrin qarşısını almalıdır.

AYSEL