Kişilərdə gün ərzində beyin həcmində azalma müşahidə olunur

"The Journal of Neuroscience" elmi jurnalında araşdırma dərc olunub. Orada deyilir ki, kişilərin hormonal səviyyələri gün ərzində dəyişir. Buna görə beyin həcmi azalır. SİA-nın məlumatına görə, tədqiqatda 26 yaşlı kişi iştirak edib. O, 40 beyin MRT müayinəsindən keçib. Skanlar səhər saat 7-də və axşam saat 8-də aparılıb.

Bu zaman hormon səviyyələri ən yüksək və ən aşağı səviyyədə idi. Məlum olub ki, bir sutka ərzində beyindəki boz maddənin həcmi 0,6 faiz azalıb.

Qeyd edilməlidir ki, boz maddə neyronları və əlaqələri ehtiva edir. Dəyişikliklər oksipital və parietal korteksdə, beyincikdə, beyin sapında və hipokampusda görünüb.

Beynin bu hissələri hərəkətlərin koordinasiyasına, məlumatların ötürülməsinə və xatirələrin saxlanmasına cavabdehdir.

Beynin həcminin azalması hormon səviyyəsinin azalması ilə eyni vaxtda baş verib. Ancaq dəyişikliklərin səbəbi hormonların olub-olmadığı hələ aydın deyil.

Kaliforniya Universitetində psixologiya üzrə fəlsəfə doktoru namizədi Elle Murata deyir ki, bu sahədə araşdırmalar davam etdirilməlidir. Bu məlumatlar hormonların yalnız qadınlara təsir etdiyi barədə mifi təkzib edir.

Əli Babayev