Somalidə növbəti terror: 54 sülhməramlı öldürüldü

Somalidə qanlı toqquşmalar bitmək bilmir. Neçə ildir ki, bu ölkədə bir sıra terror qruplaşmaları günahsız insanların qanını tökməklə məşğuldurlar. Daha bir qanlı hadisə isə dünən baş verib. Belə ki, “Əl-Şəbab” terror təşkilatının yaraqlılarının Somalidəki Afrika Birliyinin bazasına hücumu nəticəsində Uqandanın 54 sülhməramlısı ölüb. Bu barədə Uqanda prezidenti Yoveri Museveni mətbuata açıqlamasında bildirib. “Biz komandir də daxil olmaqla həlak olmuş 54 əsgərin cansız cəsədini tapdıq. “Əl-Şəbab” yaraqlıları Baraaveyə növbəti hücuma cəhdi etsələr də, qüvvələrimizin güclü müqaviməti ilə qarşılaşdılar və qaçmağa məcbur oldular”.

Mətləb