Rusiya hərbçilərinin ailələri ilə ünsiyyəti qadağan ediləcək

...Rusiya hakimiyyəti rus hərbçilərin qadcetlərini əlindən alaraq onları ünsiyyət qurmaq imkanından məhrum etmək qərarına gəlib. Buna səbəb Rusiya Federasiyasının Ukraynaya qarşı müharibədə itkiləri ilə bağlı kütləvi informasiya mənbələri olub.

SİA-nın əldə etdiyi məlumata görə, bu barədə xəbəri RBC-Ukrayna Milli Müqavimət Mərkəzinə istinadən yayıb. Rusiya Federasiyası Dövlət Dumasının belə bir tələbinə əməl edilməzsə, rus işğalçılarını 10 günə qədər intizam həbsi gözləyir.

Mesajda izah edildiyi kimi, bu addımın əsas səbəbi Ukraynada düşmənin itkiləri ilə bağlı kütləvi informasiya sızmasıdır.

Rus hərbçiləri telefon danışıqlarında qohumlarına komandanlıq tərəfindən hüquqlarının tamamilə pozulmasından, vəd olunan vəsaitin ödənilməməsindən, külli miqdarda itkilərdən və Ukrayna çöllərində ölmək istəmədiklərindən şikayətlənirlər.

...Belə "xəbərlər"ə görə, "qəhrəmanların" anaları və ya arvadlarının hakimiyyətə lazımsız suallar verdiyi təcrid olunmuş hallar var.

Rusiya hərbi komandirləri bu yenilikdən narazıdırlar və iddia edirlər ki, belə bir addım döyüş bölgəsində ciddi şəkildə həyata keçirilərsə, "hərbi komandanlıq və nəzarət orqanlarının mütləq iflicinə və qoşunlara nəzarətin itirilməsinə" gətirib çıxaracaq.

Əli Babayev