Britaniya Gürcüstan hökumətinə dəstəyini azaldır

Böyük Britaniyanın xarici işlər naziri Devid Lemmi Gürcüstan hökumətinə dəstək və hökumətlə əməkdaşlığın azaldılacağını elan edib.

SİA xəbər verir ki, bəyanatda Gürcüstan hakimiyyəti tərəfindən nümayişçilərə və jurnalistlərə qarşı zorakılığın qəbuledilməz olduğu qeyd edilib.

"Bu hərəkətlər Gürcüstanın beynəlxalq nüfuzuna xələl gətirir və ölkənin konstitutsiyasında təsbit olunmuş Avropa gələcəyinə sadiqliyinə ziddir. Bu, dayandırılmalıdır", - deyə Devid Lemmi bəyanatda qeyd edib.

Nazir bildirib ki, baş verən hadisələr fonunda Böyük Britaniya Gürcüstan hökumətinə bütün proqram dəstəyini dərhal dayandıracaq, müdafiə sahəsində əməkdaşlığı məhdudlaşdıracaq və "Gürcü Arzusu" hökumətinin nümayəndələri ilə əlaqələri məhdudlaşdıracaq.

Qeyd olunub ki, Böyük Britaniya Gürcüstan xalqının öz ölkəsinin gələcəyini seçmək hüququnu dəstəkləməkdə davam edəcək.