...Gürcüstanın baş naziri İrakli Kobaxidzenin Avropaya inteqrasiyanın 2028-ci ilə qədər dayandırıldığını elan etməsindən düz bir ay sonra bütün ölkədə hökumət əleyhinə genişmiqyaslı etiraz aksiyası keçirilib.
SİA xəbər verir ki, bu barədə "Echo of Caucasus" məlumat yayıb.
Bütün böyük şəhərlərdə "birlik zənciri" quruldu. Ən uzunu Tiflisdədir: zəncir paytaxtın sağ və sol sahillərini və yeddi körpünü birləşdirdi: Metexi, Sülh Körpüsü, Barataşvili, Saarbrücken, Qalaktion Tabidze, Kraliça Tamar və Vaxuşti Baqrationi.
Nəqliyyatın hərəkəti qismən iflic olub.
Aksiya ərəfəsində ABŞ "Gürcü Arzusu"nun qurucusu və fəxri sədri Bidzina İvanişviliyə qarşı maliyyə sanksiyaları tətbiq etmək qərarını açıqlayıb.
O, "Rusiya Federasiyasını razı salmaq üçün Gürcüstanın demokratik və Avro-Atlantik gələcəyinə zərbə vurmaqda" ittiham olunur.
Aksiyaya, xüsusən də ölkənin bütün əsas müxalifət partiyaları, eləcə də tələbələr, QHT-lər, iş adamları, mədəniyyət sahəsinin nümayəndələri, Gürcüstan Prezidenti Salome Zurabişvili, Avropa Parlamentinin deputatları Mixal Vavrikeviç (Polşa) və Tbilisiyə gələn Dainius Jalimas (Litva) qoşulublar.
"Birlik zənciri"ndə gürcü mühacirləri də iştirak edəcəklər. Təlim-məşq toplanışları Avropa və ABŞ-ın 40 şəhərində təşkil olunur. Sabah, dekabrın 29-da hakim Gürcü Arzusu Mixail Kavelaşvilinin andiçmə mərasimini keçirməyi planlaşdırır. Hazırkı prezident, müxalifət, eləcə də ölkənin bəzi beynəlxalq tərəfdaşları yeni parlamentin və prezidentin legitimliyini tanımırlar.
Əli Babayev
Könüllü Geri Qayıdış bölməsindəki prosedurları tamamladıqdan sonra ölkələrinə qayıdırlar
Konqres Türkiyə Prezident Aparatının İctimaiyyətlə Əlaqələr İdarəsinin dəstəyi ilə təşkil olunacaq
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
