Ərdoğan Suriya nümayəndə heyətini təyyarə ilə təmin edib

Türkiyə prezidenti Rəcəb Tayyib Ərdoğanın administrasiyası Suriyanın müvəqqəti hökumətinin başçısı Əhməd əl-Şaraanın ölkəyə səfəri üçün təyyarə ayırıb. SİA xəbər verir ki, bu barədə Türkiyənin "Yeni Şafak" qəzeti məlumat yayıb.

…Suriya prezidenti Əhməd əl-Şaraa və xarici işlər naziri Əsəd Şeybani Türkiyəyə səfərə gediblər. Türkiyə prezidenti təyyarə ayırıb, - deyə məlumatda bildirilir.

Bir gün əvvəl Reuters öz mənbələrinə istinadən xəbər verir ki, Türkiyə prezidenti Rəcəb Tayyib Ərdoğan və Suriya keçid hökumətinin prezidenti Əhməd əl-Şara Ankarada danışıqlar zamanı Suriyada türk hava bazalarının yaradılması imkanını müzakirə edəcəklər.

Fevralın 2-də Türkiyənin xarici işlər naziri Hakan Fidan bəyan edib ki, Suriyanın yeni hakimiyyət orqanlarının prioritet vəzifələri enerji və hava nəqliyyatını bərpa etməkdir. Fidan qarşıya qoyulan vəzifələrin icrasından sonra ölkə iqtisadiyyatının yaxşılaşacağına ümid etdiyini bildirib.

O, Suriya üçün beynəlxalq sanksiyaların aradan qaldırılmasının, eləcə də bütün aktiv silahlı qrupların milli orduda birləşdirilməsinin vacib olduğunu vurğulayıb.

Əli Babayev