Polşa miqrantları qəbul etməkdən imtina edib

Polşa yeni miqrantları qəbul etməyəcək və Avropa İttifaqının qoyduğu cərimələri ödəməyəcək. SİA-nın məlumatına görə, bu barədə Polşanın daxili işlər naziri Tomaş Siemonyak RadioZet-in efirində bildirib.

...Biz bircə immiqrantın Polşaya köçürülməsinə və onları qəbul etmədiyinə görə cərimələrin ödənilməsinə razı olmayacağıq.

Bunu deyən Siemonyakın sözlərinə görə, Varşava qaçqınları qəbul etməyəcəyini açıq şəkildə bəyan edir və eyni zamanda miqrasiya paktının açıq əleyhdarıdır.

Pakt təkcə Avropa İttifaqı ölkələrinə miqrantlar üçün sığınacaq vermir, həm də qəbul edilməyən hər bir qaçqın üçün 20 min avro cərimə nəzərdə tutur.

Bundan əvvəl Polşanın milli müdafiə naziri Vladislav Kosiniyak-Kamış Polşa hərbçilərinin Ukraynaya göndəriləcəyi ssenarini təsəvvür edə bilmədiyini bildirmişdi.

Əli Babayev