Belqorodda 60 min insan elektriksiz qalıb

Fevralın 26-sı axşamı Belqorod aqlomerasiyası kütləvi raket atəşinə məruz qaldı.SİA xarici KİV-ə istinadən xəbər verir ki, Belqorod şəhərinə gecə raket hücumu nəticəsində təxminən 60.000 sakin elektriksiz qalıb. Qubernator Vyaçeslav Qladkov bunu cümə günü, 27 fevralda sosial mediada açıqlayıb."Belqorodda elektrik enerjisi obyektlərinə edilən daha bir kütləvi raket hücumundan sonra hazırda təxminən 60.000 insan elektriksiz qalıb. Uşaq bağçaları və məktəblər açıq qalacaq. Hamısı ehtiyat enerjiyə keçirilib", - deyə o yazıb.Eyni zamanda, ubernator bölgənin məhdud texniki imkanlarını etiraf etdi.Qladkov qeyd edib ki, "Belqorod bölgəsində böyük bir ehtiyat generasiya ehtiyatını cəmləşdirdiyimizə və bunu davam etdirdiyimizə baxmayaraq, Belqorod aqlomerasiyasını ehtiyat generasiyaya tamamilə keçirmək fiziki cəhətdən mümkün deyil".Telegram kanallarına görə, enerji infrastrukturu obyektlərinə ciddi ziyan dəyib. Belqorod İstilik Elektrik Stansiyasına zərbə dəyib.Xatırladaq ki, dünən gecə Belqorod hakimiyyəti "Ukrayna Silahlı Qüvvələrinin kütləvi raket hücumlarından " şikayətləndi. Hücum nəticəsində elektrik, su və istilik kəsintiləri baş verdi.Son həftələrdə Belqorod və ətraf bölgənin enerji infrastrukturu müntəzəm olaraq zərbələrə məruz qalıb və bölgədə elektrik, istilik və su kəsintiləri qeydə alınıb.

Müəllif: Günel Fərzəliyeva