Orban Ukraynaya verilən kreditə veto qoymasını ləğv edə bilər...

...Macarıstanın yeni Baş naziri Peter Madyar bildirib ki, hazırkı Baş nazir Viktor Orbanın "Drujba" boru kəməri vasitəsilə neft tədarükü bərpa edildikdən sonra Ukraynaya 90 milyard avroluq AB kreditinə veto qoyması ehtimalı var.

SİA-nın əldə etdiyi məlumata görə, bu barədə Bloomberg xəbər verir.

Madyarın sözlərinə görə, Budapeşt Kiyevə maliyyə yardımının verilməsinə mane olmayacaq, baxmayaraq ki, Macarıstan özü kreditin maliyyələşdirilməsində iştirak etməmək hüququnu saxlayacaq.

O, bunu dövlət televiziyasına verdiyi müsahibədə bildirib. Orban əvvəllər Ukrayna ilə neft tədarükünün kəsilməsi ilə bağlı mübahisəyə görə vəsaitin verilməsini dayandırmışdı. Macarıstana neft tədarük edən "Drujba" boru kəməri yanvar ayında dron hücumu nəticəsində zədələnib.

Budapeştin qərarı Aİ liderlərinin tənqidinə səbəb olub, çünki kreditin təsdiqlənməsi üçün bütün 27 üzv dövlətin yekdilliyi tələb olunur.

Yardım paketinin özü dekabr ayında təsdiqlənib, lakin onun icrası Macarıstanın mövqeyi səbəbindən təhlükə altında qalıb. Madyarın açıqlamaları regionda davam edən müharibə və enerji mübahisələri fonunda Ukrayna üçün maliyyələşdirməni təmin edəcək mümkün bir kompromis göstərə bilər.

Əli Babayev