Arılara görə 40 nəfər həbs edildi - Ümumdünya Arı Günündə

Ətraf mühit fəalları Syngenta qərargahının qarşısında etiraz olaraq özlərini pestisid çəlləklərinə bağlayıblar. Qeyri Hökumət Təşkilatı olan Greenpeace UK-nin proqram direktoru Amy Cameron da daxil olmaqla 40-dan çox insan pestisid şirkəti Syngenta-nın Yorkşir qərargahının qarşısında keçirilən etirazdan sonra həbs edilib.

Bəzi fəallar özlərini qərargahın qarşısında 15 mavi pestisid çəlləyinə bağlayıblar ki, bu da yerli A62 yolunun müvəqqəti bağlanmasına səbəb olub. Fəallar ön girişin xaricindəki dairəvi yolu binaya doğru yönəlmiş oxla "Syngenta təbiəti zəhərləyir" mesajı ehtiva edən nəhəng təhlükə simvoluna çeviriblər. Aksiya 20 may - Dünya Arı Günündə baş tutub.

Qərbi Yorkşir polisi təsdiqləyib ki, 20 may, səhər saat 4:33-də polisə Haddersfild, Deyton, Lids Roud küçəsindəki bir iş binasının qapıları qarşısında bir qrup etirazçı barədə məlumat daxil olub. Vəziyyəti izləmək və daha geniş miqyaslı pozuntuların qarşısını almaq üçün hadisə yerinə polis göndərilib.

Greenpeace, Syngenta-nı vəhşi təbiətin azalmasına səbəb olmaqda və Britaniya vəhşi təbiətini zəhərləyən pestisidlər istehsal etmək və satmaqla Böyük Britaniyanın qida təhlükəsizliyini təhdid etməkdə günahlandırdı. QHT-nin son hesabatında Syngenta-da istehsal olunan Hallmark pestisidinin cəmi bir çay qaşığı 13 milyon arını öldürmək üçün kifayət olduğu aşkar edildi.

Greenpeace UK-nin həmicraçı direktoru Will McCallum həbslər barədə deyib: “Bugünkü həbslər polisin böyük bir həddindən artıq reaksiyasıdır. Kaş hökumət dinc etirazları yatırmaq üçün göstərdiyi eyni ehtirazı kənd yerlərimizdə baş verən səssiz böhrana son qoymaq üçün yönəltsəydi. Torpaqlarımızda və su yollarımızda kimyəvi maddələri kəskin şəkildə azaltmalıyıq və fermerlərin bunu etmələri üçün maliyyələşdirməyə ehtiyacı var. Bu, təbiətin, qida sistemimizin bərpa olunması üçün çox vacibdir.

Syngenta-nın rəsmisi deyir: “Syngenta, Greenpeace və digərlərinin öz fikirlərini ifadə etmək və qidanın necə istehsal olunacağına dair ictimai müzakirələrdə iştirak etmək hüququna hörmətlə yanaşır. Ətraf mühitin qorunması və biomüxtəlifliyin dəstəklənməsi məqsədini qəbul edirik, baxmayaraq ki, buna praktikada necə nail olmaq barədə fərqli fikirlərə sahib ola bilərik. Syngenta hesab edir ki, bitki mühafizəsi məhsullarının qlobal ərzaq təhlükəsizliyində əsas rol oynayır. Effektiv bitki mühafizəsi olmadan, məhsulların əhəmiyyətli bir hissəsi zərərvericilərə, alaq otlarına və xəstəliklərə görə itirilə bilər ki, bu da qidanın mövcudluğu və dəyəri üçün ciddi nəticələrə səbəb ola bilər.”