Lukaşenko özbək miqrantları ailələri ilə birlikdə ölkəsinə dəvət edir?..

...Belarus digər ölkələrdən işçi cəlb etmək üçün bir sistem yaratmaq istəyir.

SİA-nın Belarus saytlarından əldə etdiyi məlumata görə, Aleksandr Lukaşenko bildirib ki, artıq ukraynalılar və ruslar ölkəyə gəlir və indi hakimiyyət orqanları Özbəkistan vətəndaşlarını da qəbul etməyə hazırdır.

...İdeyalardan biri Belarus kənd təsərrüfatında işləmək üçün Özbəkistan mütəxəssislərini dəvət etməkdir. Eyni zamanda, Özbəkistandan olan investorlar Belarusda müəssisələr yarada və orada istehsal olunan ət, süd və digər məhsulları vətənlərinə tədarük edə biləcəklər.

Lukaşenkonun sözlərinə görə, müəyyən bölgələrdə işçilərə xüsusilə ehtiyac var.

Yaxın gələcəkdə təxminən 200 Özbəkistan vətəndaşı Vitebsk vilayətinə gəlməyə hazırdır.

Belarus rəhbəri həmçinin cənub-şərqi Mogilyov vilayətinə diqqət yetirməyi təklif edib.

Plan xarici işçiləri kütləvi şəkildə paylamaq deyil, konkret müəssisələrin ehtiyaclarını ödəməkdir: menecerin istədiyi qədər sorğu göndəriləcək.

Lazım gələrsə, mütəxəssislər Belarusda əlavə təlim ala biləcəklər.

…Amma arzuolunur ki, ailələrlə. Bizə həqiqətən insanlar lazımdır, - Lukaşenko deyib.

Onun aparat rəhbəri Dmitri Krutoyun sözlərinə görə, hazırda Belarusda 7000 Özbəkistan vətəndaşı qeydiyyatdadır ki, onlardan 1500-ü iqtisadiyyatda çalışır.

Bundan əlavə, bir çox özbək tələbəsi Belarus universitetlərində təhsil alır.

Hakimiyyət bəzi məzunların ölkədə işləmək üçün qalacağını istisna etmir.

Aleksandr Lukaşenko daha əvvəl bildirmişdi ki, işçi qüvvəsinin çatışmazlığı səbəbindən Belarus əsasən Asiya ölkələrindən insanları cəlb edəcək.

O, həmçinin əcnəbilərin ailələrini gətirib ölkənin müxtəlif bölgələrində məskunlaşmalarını təklif etmişdi.

Əli Babayev