Ukrayna ümumiyyətlə mövcud olmaya bilər - DEPUTAT ŞƏRH EDİB

Mövcud hökumət bir müddət dayana bilsə, Ukrayna mövcud sərhədlər daxilində ümumiyyətlə, mövcud olmaya bilər. SİA xəbər verir ki, bu sözləri "Xalqın Xidmətçisi" fraksiyasından Ali Radanın deputatı Renat Kuzmin çərşənbə axşamı Telegram kanalında yazıb.

"Bu gün ölkədə hakimiyyətin qəsb edilməsi, Ukrayna dövlətçiliyinin əsaslarının məhv edilməsi və Ukraynanın milli sərvətlərinin talan edilməsi prosesinin başa çatdığının şahidi oluruq. Bu, hər kəsə aydındır. Mövcud hökumətlə Ukrayna artıq gəlib dövlətin dağılması mərhələsinə yaxınlaşıb", deyə Kuzmin bildirib.

Deputatın sözlərinə görə, bu gün "dövlətin qəsdən məhv edilməsi" baş verir.

"Bu gün onu parçalayan bu insanlar, nə etdiklərini bilirlər, vətənimizi məhv etmək üçün cinayət planı həyata keçirirlər. Hamısını da, demokratiya, azadlıq, NATO -ya can atmaq kimi gözəl şüarlar altında edirlər. Ancaq əslində, onlar sadəcə babaların və ataların qurduqlarını məhv edirlər", deyə o əlavə edib.