"Neftçi"nin ilk rəqibi açıqlandı

"Neftçi” yeni mövsümə hazırlığı davam etdirir. Klubun saytında yer alan məlumata görə, komandanın düşərgəsinə yeni transfer Voislav Stankoviç də qoşulub. Hazırlığın ilk mərhələsinə bu gün səhər məşqi ilə yekun vurulacaq. Komanda iyunun 15-i səhər saatlarında təlim-məşq toplanışının ikinci mərhələsi üçün Türkiyəyə yola düşəcək. İyulun 1-dək Topuk yaylası bölgəsində yerləşən "Fenerbahçe Topuk Yaylası Resort and Sport” otelində məskunlaşacaq "ağ-qaralar” qardaş ölkədə 3 yoxlama görüşü keçirməyi planlaşdırır. Oyunlar iyunun 20-si, 25-i və 30-da olacaq. Ayın 30-dakı rəqib Ukraynanın "Vorskla” (Poltava) klubu olacaq. Digər rəqiblər hələlik məlumat verilməyib.

sia.az