Xalq rəssamı Kamil Əliyevin 100 illiyi münasibətilə beynəlxalq konfrans keçiriləcək

Azərbaycan Milli Xalça Muzeyi Xalq rəssamı Kamil Əliyevin 100 illik yubileyinə həsr olunmuş “Rəssam və xalça: bu gün və sabah” mövzusunda beynəlxalq elmi-praktik konfransa ərizə qəbulu elan edir.Muzeydən SİA-ya bildirilib ki, bu ilin payızında təşkil ediləcək konfransa sənətşünaslar və rəssamlar qatıla bilərlər.Konfransa material qəbulu üçün son tarix aprelin 30-dək başa çatacaq.Ətraflı məlumatı [email protected] ünvanına suallar göndərməklə əldə etmək olar.

sia.az