Mədəniyyət

  • 24 178

Nizami Gəncəvi 880 illiyi ilə əlaqədar videoçarx hazırlanıb

image

Bakı Şəhər Mədəniyyət Baş İdarəsi Sabunçu rayon Mərkəzləşdirilmiş Kitabxana Sisteminin 9 nömrəli filialı dahi Azərbaycan şairi Nizami Gəncəvinin 880 illiyi ilə əlaqədar videoçarx hazırlayıb. İdarədən SİA-ya bildirilib ki, videoçarxda şairin yaradıcılığından qəzəllər səsləndirilib.Videoçarxda Nizaminin ömür yolu və yaradıcılığı haqqında məlumatlar yer alıb. Qeyd edilir ki, 1141-ci ildə Azərbaycanın qədim şəhərlərindən olan Gəncədə anadan olan şair bütün ömrü boyu bu şəhərdə yaşayıb-yaradıb və 1209-cu ildə vəfat edib.XII əsrin ikinci yarısında Azərbaycan intibah ədəbiyyatı Nizaminin yaradıcılığı ilə ən yüksək mərhələsinə qədəm qoyur. Qadına, əməkçi insana münasibət, dərin humanizm bu dahi sənətkarın yaradıcılığında daha genişdir. “Xəmsə” yaratmaq Nizamidən sonra ənənəyə çevrilir və digər sənətkarlar onu ustad olaraq qiymətləndirir. Azərbaycan xalqının böyük oğlu Nizami Gəncəvinin dahiyanə əsərləri dünya ədəbiyyatı xəzinəsinin ən parlaq incilərini təşkil edir və bəşəriyyətin yetirdiyi ən böyük dühaların yaratdıqları ölməz abidələr arasında şərəfli yer tutur.Xatırladaq ki, Prezident İlham Əliyevin yanvarın 5-də imzaladığı Sərəncamla bu il ölkəmizdə “Nizami Gəncəvi İli” elan edilib. 2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur.

sia.az

Digər xəbərlər