MİA

  • 1 253

Pyotr Petrovski: Belarus Qarabağda sənaye və aqrar sektora sərmayə qoymağa hazırdır - MÜSAHİBƏ

image

Belaruslu politoloq : “Bakı həmişə Minskə dəstək olub və çətin vaxtlarda kömək əlini uzadıb”

Belaruslu politoloq, "Belaya Rus" respublika ictimai birliyinin eksperti Pyotr Petrovski “Caliber” analitik mərkəzinə müsahibəsində iki ölkə arasındakı əməkdaşlıq münasibətlərindən və Belarusun Qarabağda iqtisadi layihələrdə iştitrak potensialından danışıb. Müsahibəni oxucularımıza təqdim edirik.

- Azərbaycanla Belarus arasında ikitərəfli əlaqələrin səviyyəsini necə qiymətləndirirsiniz?

- Belarus və Azərbaycan strateji tərəfdaşdır. Bir-birinə bağlı bir iqtisadiyyat və bir-birimizə olan marağımız var. Bu, Bakı üçün yüksək texnologiyalı investisiyaların, Minsk üçün isə maliyyə və iqtisadi alətlər, bu investisiyaların qoyulması üçün xammal olması baxımından ifadə edilir. Bakı Minsklə neft, maşınqayırma (Gəncə Avtomobil Zavoduna sərmayə qoyma) sektorlarında, logistika sahəsində və Belarusda İsveçrə texnologiyası ilə istehsal olunan elektrik qatarlarının tədarükündə yaxından əməkdaşlıq edir. Bu, böyük bir əməkdaşlıq platformasıdır. Bakı həmişə Minskə dəstək olub və çətin vaxtlarda kömək əlini uzadıb. Məsələn, Rusiyanın bəzi neft şirkətləri Belarusa neft tədarükünü qəfil kəsdikdə, Azərbaycan neft hasilatında lider ölkələrdən biri olaraq dəstək verdi.

- Sizcə, sadalananlardan başqa, ölkələrimiz arasında potensial əməkdaşlıq hansı digər sahələrdə mümkündür?

- Yuxarıda sadaladığım sahələrə əlavə olaraq hesab edirəm ki, Belarusun Azərbaycana sənaye investisiyalarını artırmaq lazımdır- traktor istehsalı, kommunla texnikalar və avadanlığı istehsalı, şəhər nəqliyyatı, elektrik avtobusları, trolleybuslar, avtobuslar, yük maşınları. Məncə, bütün bunlar böyük perspektivlər açır.

Azərbaycanın azad edilmiş ərazilərində də böyük perspektivlər açılır- infrastrukturun bərpası, kənd təsərrüfatı istehsalı. Belarus, əkindən emala və mağazaya çatdırılmaya qədər məhsul istehsal edən, yalnız ən yeni növ kənd təsərrüfatı müəssisələrinin yaradılmasını əhatə edən, belə desək, aqroşəhərçiklərinin həyata keçirilməsində uğurlu təcrübəyə malikdir.

Bu, həm də həyatın sosial sahələrinin tənzimlənməsidir- kənd yerləri üçün yaşayış evləri, məktəblər, mədəniyyət evləri, sanatoriyalar, uşaq bağçaları. Vəzifə müasir sosial infrastruktur yaratmaqdır ki, kənd yerlərində həyat səviyyəsi və keyfiyyəti və sosial standartlar şəhərlərdən daha pis olmasın. İnanıram ki, aqroşəhərciklərin bu təcrübəsi Azərbaycanda da tətbiq oluna bilər.

- Yəni, Belarus Azərbaycanın azad edilmiş ərazilərinə sərmayə qoyacaq?

- 2021-ci ilin yazında İlham Əliyevlə Aleksandr Lukaşenkonun görüşündə bu məsələ müzakirə olundu. Belarusun kənd təsərrüfatı müəssisələrinin bərpası və aqroşəhərciklərin, yüksək həyat səviyyəsi və yaşayış standartı ilə ayrılmaz sosial-iqtisadi qrupların yaradılması üçün Azərbaycanın azad edilmiş ərazilərinə öz texnologiyaları ilə sərmayə qoymağa hazır olduğu elan edildi.

Birgə müəssisələr yaradılmalıdır. Belarusda Azərbaycan məhsullarına tələbat var, onlar olduqca canlı şəkildə təqdim olunur. Və Azərbaycanda da QOST standartına uyğun olaraq istehsal olunan ən yüksək keyfiyyət nişanına malik məhsullar kimi Belarus məhsullarına tələbat var.

İnanıram ki, Azərbaycan təbiətini, iqlimini və insanların zəhmətini Belarus texnologiyaları, sərmayələri və aqroşəhərciklərin yaradılması ilə birləşdirsək, yüksək sinergetik effekt əldə edəcəyik ki, bu da Azərbaycan kənd təsərrüfatı məhsullarının istehsalını artırmağa imkan verəcəkdir. həm Belarusda, həm də Azərbaycanın özündə.

Azad edilmiş ərazilərin bərpası üçün Azərbaycanda texnoloji kənd təsərrüfatının modernləşdirilməsinə və yeni səviyyəyə qaldırılmasına dəyər.

- Belarus cəmiyyəti Ermənistan-Azərbaycan münaqişəsi ilə bağlı nə bilir? 44 günlük müharibədə Azərbaycanın qələbəsinə belarusların reaksiyası necə oldu?

- Bunu deyəcəyəm: bu qarşıdurma Sovet dövrünün son illərində və postsovet dövründə başladığına görə, əlbəttə ki, yaşlı Belarus nəsli mütəxəssislər istisna olmaqla gənclərdən daha çox məlumatlıdır. Ancaq İkinci Qarabağ müharibəsi zamanı bütün Belarus cəmiyyəti sürətlə gedən hadisələri çox yaxından izlədi.

Əsas cəhət beynəlxalq hüququn bütün məqamlarına riayət etmək idi- 7 rayonun dərhal Azərbaycanın nəzarətinə keçməsi, habelə ermənilərin və azərbaycanlıların birgə yaşaması üçün əlverişli şərait yaratmaq üçün ağlabatan addımlar atılmışdı. Bu, əlbəttə ki, çox dəyərlidir. Məncə, bölgədəki aqressiya tədricən minimuma endirilməlidir.

İndi əsas olan sülh şəraitində bir yerdə yaşamaq və bütün bölgə ölkələri arasında əlaqələrin inkişafıdır. Postsovet məkanında daha az dondurulmuş münaqişənin olması və 90-cı illərin əvvəllərində evlərini tərk etmək məcburiyyətində qalan azərbaycanlıların indi geri dönüb sosial həyatlarını və iqtisadiyyatlarını bərpa edə bilmələri çox ürəkaçandır.

Belarus hər zaman sərhədlərin toxunulmazlığını və strateji tərəfdaşımız olan Azərbaycan da daxil olmaqla hər bir dövlətin ərazi bütövlüyünün qorunmasını müdafiə edib və bu siyasətini davam etdirir.

Tərcümə: Elçin Bayramlı

Yazı Azərbaycan Respublikasının Medianın İnkişafı Agentliyinin maliyyə dəstəyi ilə "Regionların sosial-iqtisadi inkişafının təşviq edilməsi" istiqaməti çərçivəsində hazırlanıb.

Digər xəbərlər