Daha iki Nigeriya vətəndaşı İrandan Azərbaycana təxliyə edilib - FOTOLAR

27 Çin vətəndaşı və 2 Nigeriya vətəndaşı Astara Dövlət Sərhəd Buraxılış Məntəqəsi vasitəsilə təxliyə edilib. SİA-nın verdiyi məlumata görə, təxliyə prosesi müvafiq sənəd yoxlanışı, qeydiyyat və digər prosedurların yerinə yetirilməsi ilə həyata keçirilib və sərhəd-keçid məntəqəsində təhlükəsiz keçidin təmin edilməsi üçün bütün zəruri tədbirlər görülüb.

Qeydiyyat prosedurlarından sonra onlar təhlükəsiz şəkildə təyinat istiqamətlərinə yola salınıblar.

Qeyd edək ki, ABŞ və İsrailin fevralın 28-də başlatdığı hərbi əməliyyatlar səbəbindən İrandan ümumilikdə 514 Çin vətəndaşı Azərbaycan sərhədi vasitəsilə təxliyə olunub.

Eyni zamanda, 1 ABŞ və 1 Pakistanın vətəndaşı Azərbaycana təxliyə edilib.