Kadırov Səudiyyə Ərəbistanı şahzadəsi ilə görüşüb

Çeçenistan rəhbəri Ramzan Kadırov Səudiyyə Ərəbistanına səfər edib və şahzadə Turki bin Məhəmməd bin Fəhd bin Əbdül Əzizlə görüşüb. SİA-nın əldə etdiyi məlumata görə, bu barədə siyasətçi öz Telegram kanalında bildirib.

…Səudiyyə Ərəbistanına səfər zamanı mən Əlahəzrət Şahzadə Turki bin Məhəmməd bin Fəhd bin Əbdüləziz ilə görüşdüm.

Bunu Kadırov bildirib. Onun sözlərinə görə, danışıqlarda sosial-iqtisadi məsələlər, eləcə də müxtəlif sahələrdə qarşılıqlı fəaliyyət imkanları müzakirə olunub.

Kadırov ev sahibinə "ən xoş arzularını" çatdırıb və birgə səylərin "ümumi firavanlığa" töhfə verəcəyinə əmin olduğunu bildirib.

Səfər çərçivəsində Çeçenistan rəhbəri Rusiyanın İslam Əməkdaşlıq Təşkilatındakı daimi nümayəndəliyinə də baş çəkib. O, Moskva ilə müsəlman dünyası arasında dialoqun davam etdirilməsində bu qurumun mühüm rolunu qeyd edib.

Əli Babayev