Bu boğazdakı böhran İtaliyanı enerji müstəqilliyinə doğru itələyib

...Məşhur italyan iqlim alimi Luka Merkalli bildirib ki, Hörmüz boğazının bağlanması ölkənin qazıntı yanacaq idxalından asılılığını azaltmaq üçün katalizator ola bilər.

O, İtaliyanın enerji idxalına ildə təxminən 50 milyard avro xərclədiyini və bu da həm geosiyasi risklər, həm də ekoloji yüklər yaratdığını təxmin edir.

Lakin alimin mövqeyi İtaliyada qarışıq reaksiya doğurub.

Yerli mediaya verdiyi müsahibədə Merkalli boğazın daha uzun müddətə bağlanmalı olduğu barədə təxribatçı bir açıqlama verib ki, "beləliklə, nefti əvəz etmək üçün günəş panelləri quraşdırmağa ciddi şəkildə başlaya bilərik".

Tənqidçilər iqlim alimini ailələr və müəssisələr üçün iqtisadi nəticələri görməməzlikdən gəlməkdə günahlandırdılar. Reallıq ekoloqun proqnozlarından daha mürəkkəb oldu. İtaliya artıq enerji siyasətində təcili bir dönüş etdi: aprel ayında parlament kömürlə işləyən elektrik stansiyalarının son bağlanmasını 2025-2026-cı illərdən 2038-ci ilə təxirə saldı və bununla da "strateji ehtiyat" yaratdı.

SİA-nın məlumatına görə, RİA Novosti bu barədə bildirib.

Bundan əlavə, hökumət kiçik modul reaktorlara vurğu edərək nüvə enerjisinə qayıdış elan etdi və Baş nazir Meloni yeni neft tədarükçüləri axtarışı üçün Fars körfəzi ölkələrinə turneyə başlayıb.

ENEA hesabatına görə, ölkənin enerji keçidi faktiki olaraq dayanıb.

Əli Babayev