Putin qovulmuş şəxs olaraq qalmalıdır

...Beynəlxalq Olimpiya Komitəsinin Rusiya Olimpiya Komitəsinin fəaliyyətinin dayandırılması prosesinə başlamaq qərarı Qərbdə yeni bir tənqid dalğasına səbəb olub.

Rusiya idmançılarının böyük beynəlxalq yarışlara qayıtması Kreml üçün siyasi legitimləşdirmə vasitəsinə çevrilə bilər.

Müzakirəyə BOK İcraiyyə Şurasının 7 iyul tarixli bəyanatı səbəb olub.

Bəyanatda işğal olunmuş Ukrayna ərazilərindən olan idman təşkilatlarının Rusiya Olimpiya Komitəsindən kənarlaşdırılmasından sonra sanksiyalar üçün əsasın yoxa çıxdığı bildirilirdi.

Bundan əvvəl FİFA prezidenti Canni İnfantino Rusiyanın beynəlxalq futbol yarışlarında iştirakına qoyulan qadağa "heç nəyə nail olmayıb" deyə bildirmişdi.

Moskva idman qələbələri üçün qaydaları pozmağa hazır olduğunu dəfələrlə nümayiş etdirib. Soçi Olimpiadasından sonra müasir tarixdə ən böyük dopinq qalmaqalı buna nümunə kimi göstərilir.

İstintaq Rusiya idmançılarından 50-dən çox medalın əlindən alınmasına səbəb olub.

...Rusiya ədalətli oyuna inanmır. O, aldatma və gizli taktikalara əsaslanır.

SİA-nın əldə etdiyi məlumata görə, bunu müəlliflər yazır.

Bir çox rusiyalı idmançı neytral mövqedə yarışarkən açıq şəkildə müharibəni dəstəkləyib və Rusiyanın Ukraynaya işğalı ilə əlaqəli simvollardan istifadə edib.

Ukrayna Futbol Assosiasiyasının prezidenti Andrey Şevçenko xəbərdarlıq edib ki, "istənilən Rusiya milli komandasının potensial geri qayıtması yarışların təhlükəsizliyinə və bütövlüyünə təhdid yaradır".

...Yeri gəlmişkən İngiltərə, Almaniya və Fransa futbol assosiasiyaları da Rusiyanın böyük beynəlxalq turnirlərə buraxılmasına qarşı çıxırlar.

Qərb hökumətləri viza məhdudiyyətlərini saxlamalı, idman təşkilatlarına təzyiqi artırmalı və qarşıdan gələn 2028-ci il Olimpiadasından və 2030-cu il Dünya Kubokundan Ukrayna idmançılarını dəstəkləmək üçün istifadə etməlidirlər.

...Rusiya idmançılarının yarışmasına icazə verilməsi Kremlin qlobal idman arenasına qayıtmasını ifadə edir, - deyə müəlliflər idmanın Moskvanın siyasi təsir alətinə çevrilməməsinə çağırırlar.

Əli Babayev